Torang Pe Tana

Kalu ada sajak di skola-skola

kase inga anak-anak Minahasa

tanah itu yang kase lahir pa dorang.

Kong kiapa skarang so nimau pegang tana?

Torang kurang sama!

Kiapa kong sampe torang kase lupa torang pe nama,

torang pe mama,

torang pe harta,

so nda ada harga,

torang tingal kase tinggal, kase jual bli motor.

Torang so lupa sapa yang kase makang pa torang.

Itu tana orangtua bilang jang kase jual.

Maar mobagimana?

Mokase skola

mobli bola

Bola oto deng bayar doi oto

for mo pi skola.

Abis skola

jadi apa?

Nimau pegang tana

maar mau jadi pandita.

Ato blayar ka kota-kota

biar cuma jadi minta-minta.

Kase lupa itu tana.

Ado kasiang! ado kasiang!

Kase inga akang tu anak-anak Minahasa.

Itu tana dorang pe nama,

dorang pe mama,

dorang pe harta,

nda taukur dia pe harga.

Jang kase tinggal, kasiang

torang pe tana...!

Ray Maleke '11